หมกหน่อไม้หวานใส่หมูสามชั้น

"เครื่องปรุง"

หน่อไม้หวาน
หมูสามชั้นหั่น
หอมแดง
พริกสด
น้ำปลาแดก (ปลาร้าแหละจ้า อิอิ)
ผงชุรส
ข้าวเบือ
ผักอีตู่
น้ำย่านาง
หัวซิงไคซอย (ตะไคร้)

"วิธีทำ"

-เอาหน่อไม้มาสับเป็นเส้นๆ แล้วกะเอาไปต้มให้มันจืดจ้า ต้มจัก 3-5 นาทีกะพอ แล้วเอามาล้างน้ำใส่ตะแกรงให้มันสะเด็ดน้ำ
-เอาพริกสด (อันนี้ไผ๋มักเผ็ดกะตามสะดวกจ้าตามมัก) แต่คนเฮ็ดใส่ 10 เม็ดพะนะ เหอๆๆ หอมแดง ข้าวเบื่อ ตำใส่กันพอละเอียด
-เอาหน่อไม้มาอู๋(อ๋อ)ใส่กับน้ำย่านาง เอาเครื่องที่เฮาตำหว่างอย่านี่ใส่นำจ้าพี่น้อง หัวซิงไค ปรุงรสตามมัก ใส่ปลาแดก ผงชูรส(อันนี้ขาดบ่ได้เด็ดขาดเพิ่มความนัว) คนให้เข้ากัน แล้วอ๋อถิ่มไว้ให้น้ำย่านางมันแห้งจักหน่อย พอน้ำย่านางแห้งแล้วกะปลงหม้อ
-เอามาห่อใส่ใบตอง เอาผักอีตู่โรยหน้ากับบักพริกเป็นเม็ดจักหน่อยพองาม แล้วกะเอาไปนึ่งในหวดข้าว (หรือในซึง) จัก 5-8 นาที เป็นอันเสร็จเรียบร้อยโรงเรียนเมืองธาตุพนมจ้า อิอิๆๆ 

นำใส่ไขใส่จานกินกับข้าวเหนียวฮ้อนๆ แซบหลาย ฮ่าๆๆ เป็นแนวใดจ้าพี่น้อง หมกหน่อไม้หวานใส่หมูสามชั้น สูตรไทธาตุพนม เป็นตากินนำเขาบ่น้อ

ขอขอบคุณ  www.isarngointer.org/